عن اذنك برحل لدرب الغياب اللي يناديني .........

على امرك يابعد نبض الخفوق وهاجسي ومنآآآي
....... مدامك ما تبي وصلي انا وش عاد يبقيني

ابحفظ ما بقى لي من كرامه واسستحث خطآآآآي
....... على درب الغياب ووين ماودى يوديني

واذا هفهف على صدري هواك وحدني لاقصاي
....... دعيت الله يطمن في بعادي قلبي وعيني

وطلبته مثل ما مكن غلاك وثبته بحشاي
....... يشيله من معاليقي قبل لا الوجد ينهيني

ولعلمك لو عرفت اني ابثني عزمك برجواي
....... أموت ولا ترجيتك وقلبك باير فيني

لو انك قلتها تبغى تشوف معزتك جواي
....... او انك قلتها ساعة زعل والذنب كاسني

لاجيت بكل حيلاتي من ايام الصبا لاتلاي
.......واشري رضاك لو كان المقابل باقي سنيني

ولكن ما لمسته بك قتل حتى العتب بشفاي
.......غرام مات في عيني على فرقااااك يغريني

حسافه كنت احسب انك تقدر طيبتي ووفاي
.......وعلى اقل احتمال تراعي اللي بينك وبيني

توقعت انك اخلص من عرفت وشفت في دنياي
.......اشك بكل من حولي ووحدك ما تخليني

طلبت البعد في وقت ابيك تكون به يمناااي
.......بعد ما جارت ايامي علي وحارت يديني

ولا يخغاك لوعات الليالي وما حصل وياي
....... ولو ما في يدك حاجه وجودك كان يكفيني

توفي لو بعض دينك الين آقف على ماطآآي
....... لعل يكون لي صبر على الفرقا يقديني

على كل حآآآآل ما ينفع كلامي لك ولا شكواي
....... عن اذنك برحل لدرب الغياب اللي يناديني

» اللي مايتزوجك ....
» اللي بيعرف يطبخ يفوت لهون
» حكي كبار السن اللي مابيسمعوا منيح ههههههه
» اللي عندوو انسان عزيز على قلبو يدخل هون.....