يمكن مفكرين عم امزح بس فعلا الموضوع مالو معنى ولا عارف عن شو عم اكتب بس كل القصه انو هاليوم يمكن من ابيخ ايام حياتي واكترها مللا ,,,
احيانا بيكفيك يوم واحد متل هاليوم لتضل تفكر وتتندم عالساعه اللي فكرت فيها تتغرب وتسال نفسك هل الشي اللي عملتو واللي عم اعملو مستاهل اني اتغرب او اني ابعد عن اهلي مشانو ,,,
احيانا كتير بكون الجواب ,,,, اي نعم بستحق ,, لانو متلنا نحنا شباب شله بالغربه متغربين لندرس يعني في شي عم نحاول ننجزو بس بنفس الوقت في بقلبنا غصه مثلا بدل ما كون هلا قاعد عم اكتب هالكلام اللي اكيد ما رح يقراه حد وازا قراه فما رح يستفيد لانو الدافع اللي خلاني اكتبو الملل لا اكتر ولا اقل كان من الافضل الي اني كون بين اهلي وناسي
احيانا كنت احس انو الغربه حلوه وكل ما فيها حلو واكتر شي الحريه والراحه النفسيه من انو تحمل هم حد تاني غير نفسك او تحمل هم انو حد يسألك شو عملت وشوقدمت ,,,
لكن الحقيقه غير هيك ,, لانو قد ما كانت الغربه والبعد عن الاهل فيو شي من الحريه الا انو بنفس الوقت في الكتير من الالم ,,
احيانا بكون نفسك تبيع كل الدنيا بس لتسمع من امك كلمه الله يرضا عليك يا ابني او تشوف عوجها ابتسامه رضا وفخر
وفعلا لو في شي بصبرني عالغربه فهوه املي باني بيوم ارجع ولاقي ابتسامه الرضا واسمع كلمه الله يرضا عليك يا ابني من امي ,,,
اسف عالموضوع بس كنت محتاج لهالشي وتقبلو تحياتي ,,,,,,
والسلام ختام